აღსანიშნავია, რომ 2022 წლის მონაცემების მიხედვით, საქართველოს მშპ-ის დარგებში უძრავ ქონებას II ადგილი უჭირავს. წინასწარი მონაცემებით, საქართველოში განხორციელებული პირდაპირი უცხოური ინვესტიციების მოცულობამ 2023 წლის III კვარტალში 316.0 მლნ. აშშ დოლარი შეადგინა.
2023 წელს, თბილისში, ახალი ბინების გაყიდვების პოზიტიური დინამიკა შენარჩუნდა და წლიური 1.6%-იანი ზრდა დაფიქსირდა. ხაზგასასმელია, რომ ფასები განსაკუთრებით გაიზარდა 2022 წლის დასაწყისიდან დღემდე, სადაც 30.7%-იანი ზრდა ფიქსირდება. 2023 წლის მეოთხე კვარტალში, 2022 წლის იმავე პერიოდთან შეადრებით ფასების ზრდა დაფიქსირდა ახალ ბინებზე 14.2%-ით. 2023 წლის ბოლოსთვის თბილისში ქირაზე დაფიქსირდა წლიური 5.1%-იანი შემცირება, თუმცა ეს მოცემულობა ორჯერ აჭარბებს 2021 წლის დონეს. აღსანიშნავია, რომ ეს განპირობებულია უძრავი ქონების ბაზრის დასტაბილურებით.
